Class 11 Urdu Lesson 18 Khara Dinner Humorous Poetry

 

Detailed study of Syed Muhammad Jafri's humorous poem 'Khara Dinner' for Class 11 Urdu students. Understand the satire on Western social habits and dining etiquettes.

اردو - 11۱۱۷حصہ نظم

سبق: 18

 

( کھڑا ڈنر )

شاعر: سید محمد جعفری

تدریسی مقاصد:

• طلبہ کو مزاحیہ ادب بالخصوص مزاحیہ شاعری کے بارے میں آگاہ کرنا۔
• سید محمد جعفری کے مزاحیہ کلام کا جائزہ لینا۔
• نظم ”کھڑا ڈنر“ میں پیش کردہ منظر کی وضاحت کرنا۔
• طلبہ کو بتانا کہ مغربی تہذیب کی نقالی نے ہمارے رنگ ڈھنگ، نشست و برخاست اور طعام و کلام کو متاثر کیا ہے۔

کھڑا ڈنر ہے غریب الدیار کھاتے ہیں

بنے ہوئے شتر بے مِہار کھاتے ہیں

اور اپنی میز پر ہو کر سوار کھاتے ہیں

کچھ ایسی شان سے جیسے ادھار کھاتے ہیں

شکم غریب کی یوں فرسٹ ایڈ ہوتی ہے

ڈنر کے سائے میں فوجی پریڈ ہوتی ہے

کھڑے ہیں میز کنارے جو ایک پیٹ لیے

انھی نے کوفتے اپنے لیے لپیٹ لیے

ادھر ادھر کے جو کھانے تھے سب سمیٹ لیے

کھڑا تھا پیچھے سو میں رہ گیا پلیٹ لیے

یہ میز ہو گئی خالی اب اور کیا ہوگا

”پلاؤ کھائیں گے احباب فاتحہ ہو گا“

تھی ایک مرغ کی ٹانگ اور رقیب لے بھاگا

مرا نصیب بھی جاگا ، پہ دیر میں جاگا

کباب اٹھایا تو اس میں لپٹ گیا دھاگا

ڈر یہ کیا کہ نہ پیچھا ہے جس کا طے آ گا

یہ کیا خبر تھی میں آیا تھا جب ڈنر کھانے

”حقیقتوں کو سنبھالے ہوئے ہیں افسانے“

وہ ایک میز خواتین گرد صف آرا

لبوں سے اُن کے رواں گفت گو کا فوارہ

میں ایک گوشے میں سہما کھڑا ہوں بے چارہ

کہ یہ ہٹیں تو اٹھاؤں میں نان کا پارہ

اسیر حلقہ خوباں جو مرغ و ماہی ہیں

تو ہم ہمہ صفت ہائے کم نگاہی ہیں

(شوخی تحریر)

🌐 ای - او - ایل - ایس (EOLS) تعلیمی وسائل

• 🔹 گیارہویں جماعت اردو مکمل نوٹس
• 🔹 نظم: او دیس سے آنے والے بتا (تشریح و خلاصہ)
• 🔹 نظم: وادیِ لولاب (تشریح)
• 🔹 اردو قواعد و انشاء برائے انٹرمیڈیٹ

🎥 ویڈیو لیکچرز (YouTube)

• 📺 کلاس 11 اردو - وادیِ لولاب (علامہ اقبال)
  ویڈیو دیکھیں
• 📺 کلاس 11 اردو - او دیس سے آنے والے بتا
  ویڈیو دیکھیں

© Excellence Online Learning School (EOLS) | excellenceonlinelearningschool.blogspot.com