اردو- 11۱۴۱حصہ نظم سبق: ۲۲ ( غزل ) تدریسی مقاصد: طلبہ کو پروین شاکر کی شاعری میں پائے جانے والی شعری خوبیوں یعنی تشبیہات، استعارات اور زبان کی ندرت کی شناخت، ادبی جمالیات اور شعری حسن کو سمجھنے کی صلاحیت پیدا کرنا۔ طلبہ سے نسوانی اور تانیثی ادب کے بارے میں گفتگو کرنا۔ طلبہ کو پروین شاکر کی غزل کے مضامین اور موضوعات کے بارے میں بتانا۔ بادباں کھلنے سے پہلے کا اشارہ دیکھنا میں سمندر دیکھتی ہوں تم کنارہ دیکھنا یوں بچھڑنا بھی بہت آساں نہ تھا اُس سے مگر جاتے جاتے اُس کا وہ مُڑ کر دوبارہ دیکھنا کس شباہت کو لیے آیا ہے دروازے پہ چاند اے شبِ ہجراں! ذرا اپنا ستارہ دیکھنا کیا قیامت ہے کہ جن کے نام پر پلپا ہوئے اُن ہی لوگوں کو مقابل میں صف آرا دیکھنا جیتنے میں بھی جہاں جی کا زیاں پہلے سے ہے ایسی بازی ہارنے میں کیا خسارہ دیکھنا آئیے کی آنکھ ہی کچھ کم نہ تھی میرے لیے جانے اب کیا کیا دکھائے گا تمھارا دیکھنا ایک مُشتِ خاک اور وہ بھی ہوا کی زد میں ہے زندگی کی بے بسی کا استعارہ دیکھنا (ماہِ تمام) اضافی مطالعہ و ویڈیوز (EOLS) ویڈیو لیکچر غزل نمبر 5: بادباں کھلنے سے پہلے کا اشارہ دیکھنا | پروین شاکر ...
.png)
Explore the world of Biodiversity and Classification for Class 9 Biology. Learn about taxonomic ranks, the five-kingdom system, and binomial nomenclature. Comprehensive notes by Excellence Online Learning School (EOLS).
باب 2
بایو ڈائیورسٹی Biodiversity
جماعت: نہم | مضمون: بیالوجی
یہ باب پڑھنے کے بعد طلبہ اس قابل ہوں گے کہ:
- بایو ڈائیورسٹی اور کلاسیفیکیشن کی تعریف کریں۔
- کلاسیفیکیشن کے فوائد بیان کریں۔
- کلاسیفیکیشن کے ٹیکسونومک درجوں (ranks) کی فہرست بنائیں۔
- کلاسیفیکیشن کی سکیموں کی تاریخ پر تبادلہ خیال کریں۔
- تین بڑے ڈومینز (domains) کی فہرست بنائیں جن میں جانداروں کی کلاسیفیکیشن کی جاتی ہے۔
- وائرس کی کلاسیفیکیشن میں پیش آنے والی پیچیدگیاں بیان کریں۔
- بائی نومیل نومن کلیچر سسٹم کا خاکہ پیش کریں۔
ہمارا سیارہ جانداروں کی بے شمار اقسام (variety) کا مسکن ہے، جو چھوٹے حشرات سے لے کر بلند درختوں تک پھیلے ہوئے ہیں۔ یہ اقسام ہماری دنیا کی صحت اور توازن کے لیے ضروری ہے۔ یہ ہمیں کھانا، دوا اور صاف ہوا فراہم کرتی ہیں۔ اس باب میں ہم جانداروں کی اقسام اور ان کی گروپوں میں تقسیم (کلاسیفیکیشن) کرنے کا طریقہ جانیں گے۔
2.1 بایو ڈائیورسٹی BIODIVERSITY
کسی خاص علاقے میں جانداروں کی مختلف اقسام اُس علاقے کی بایو ڈائیورسٹی کہلاتی ہیں۔ علاقے کی بایو ڈائیورسٹی اس میں جانداروں کی مختلف اقسام کی تعداد اور ہر قسم میں موجود جانداروں کی مزید اقسام کو مد نظر رکھ کر ماپی جاتی ہے۔
بایولوجسٹس قریباً دو ملین اقسام کے جانداروں کو دریافت کر چکے ہیں اور ان کی گروہ بندی کر چکے ہیں۔ تاہم، ان کا تخمینہ ہے کہ زمین پر جانداروں کی اقسام کی مجموعی تعداد اس سے کہیں زیادہ ہے۔ زمین پر بایو ڈائیورسٹی یکساں طور پر نہیں پھیلی ہوئی۔ کسی جگہ کی بایو ڈائیورسٹی کا انحصار مختلف عوامل پر ہے جیسے آب و ہوا، بلندی (altitude)، اور مٹی کی قسم پر ہے۔ ٹراپیکل (Tropical) علاقے قطبی (Polar) علاقوں کی نسبت زیادہ بایو ڈائیورسٹی رکھتے ہیں۔
بایو ڈائیورسٹی کی اہمیت Importance of Biodiversity
بایو ڈائیورسٹی انسانوں اور سیارے کے لیے بہت سی ضروری خدمات فراہم کرتی ہے۔ بایو ڈائیورسٹی کے کچھ اہم فوائد درج ذیل ہیں:
- ماحولیاتی استحکام: بایو ڈائیورسٹی ماحولیاتی نظام کے توازن کو برقرار رکھنے میں مدد دیتی ہے۔ بایوجیو کیمیکل سائیکلز (biogeochemical cycles) مثلاً کاربن سائیکل اور نائٹروجن سائیکل میں بایو ڈائیورسٹی اہم کردار ادا کرتی ہے۔
- آب و ہوا کا کنٹرول: پودے اور الجی کاربن ڈائی آکسائیڈ جذب کرتے ہیں۔ اس سے آب و ہوا کو متوازن رکھنے میں مدد ملتی ہے۔
- قدرتی وسائل: بایو ڈائیورسٹی خوراک اور ادویات سے لے کر تعمیراتی مواد اور ایندھن سمیت بہت سے وسائل فراہم کرتی ہے۔
- معاشی فوائد: بایو ڈائیورسٹی زراعت، سیاحت، اور دواسازی سمیت مختلف صنعتوں کی معاونت کرتی ہے۔
22, May International Biodiversity Day
اقوام متحدہ نے 22 مئی کو بایو ڈائیورسٹی کے عالمی دن کے طور پر منانے کا اعلان کیا ہے۔ یہ دن بایو ڈائیورسٹی کے تحفظ کو فروغ دینے کے لیے منایا جاتا ہے۔
اقوام متحدہ نے 22 مئی کو بایو ڈائیورسٹی کے عالمی دن کے طور پر منانے کا اعلان کیا ہے۔ یہ دن بایو ڈائیورسٹی کے تحفظ کو فروغ دینے کے لیے منایا جاتا ہے۔
مزید مطالعہ کے لیے (بشکریہ EOLS):1. بیالوجی کلاس نہم - بایو ڈائیورسٹی مکمل نوٹس2. جانداروں کی درجہ بندی اور اس کی اہمیت3. پانچ کنگڈم والا کلاسیفیکیشن سسٹم - تفصیلی جائزہ
2.2 کلاسیفیکیشن CLASSIFICATION
بایولوجسٹس جانداروں کی قریباً دو ملین (بیس لاکھ) اقسام کی شناخت کر چکے ہیں۔ ان میں سے 0.5 ملین اقسام پودوں کی ہیں اور 1.5 ملین اقسام جانوروں کی ہیں۔ یہ زمین پر موجود جانداروں کی کل اقسام کا ایک چھوٹا سا حصہ ہے۔ ہر سال، بایولوجسٹس ہزاروں نئی اقسام دریافت کرتے ہیں۔ جانداروں کے اتنے بڑے مجموعے کو بہتر طور پر سمجھنے کے لیے بایولوجسٹس جانداروں کی گروہ بندی یعنی کلاسیفیکیشن کرتے ہیں۔ کلاسیفیکیشن وہ عمل ہے جس میں جانداروں کو ان میں پائی جانے والی مشابہتوں اور اختلافات کی بنیاد پر گروپوں اور ذیلی گروپوں میں تقسیم کیا جاتا ہے۔
کلاسیفیکیشن کے مقاصد اور اصول Aims and Principles
کلاسیفیکیشن کے اہم مقاصد یہ ہیں:
a. جانداروں کے درمیان مشابہت اور اختلافات کا تعین کرنا تاکہ ان کا مطالعہ آسانی سے کیا جاسکے
b. جانداروں کے درمیان ارتقائی تعلقات تلاش کرنا
2.3 ٹیکسانومی کے درجات TAXONOMIC RANKS
سویڈن کے باٹنسٹ کارل لینیئس (Carl Linnaeus) نے 1735 میں کلاسیفیکیشن کا ایک سسٹم متعارف کروایا۔ اس سسٹم میں سات درجات تجویز کیے گئے۔
| ٹیکسانومک درجہ | پھل کی مکھی (Fruit fly) | انسان (Human being) | مٹر (Pea plant) |
|---|---|---|---|
| ڈومین | یوکیریا | یوکیریا | یوکیریا |
| کنگڈم | اینیمیالیا | اینیمیالیا | پلانٹی |
| فائلم / ڈویژن | آرتھروپوڈا | کورڈیٹا | میگنولیوفائٹا |
| کلاس | انسیکٹا | میمیلیہ | میگنولیواپسیڈا |
| آرڈر | ڈپٹیرا | پرائی میٹس | فی بیلیز |
| فیملی | ڈروسوفیلیڈی | ہومی نائیڈی | فی بیسی |
| جینس | ڈروسوفلا | ہومو | پائی سم |
| سپی شیز | D. melanogaster | Homo sapiens | Pisum sativum |
2.4 کلاسیفیکیشن کی تاریخ HISTORY
ارسطو پہلے شخص تھے جنہوں نے جانداروں کو دو گروپوں (پودے اور جانور) میں تقسیم کیا۔ 1969 میں رابرٹ وہیٹیکر نے پانچ کنگڈم والا کلاسیفیکیشن سسٹم متعارف کرایا۔
2.7 کلاسیفیکیشن میں وائرس کا مقام STATUS OF VIRUS
وائرس انتہائی چھوٹے یعنی الٹرا مائیکروسکوپک مخلوق ہیں جو جاندار اور غیر جاندار کے درمیان سرحد پر ہیں۔ یہ اے سیلولر (acellular) ہیں، یعنی یہ سیلز سے نہیں بنے ہوتے اور نہ ہی ان میں کوئی آرگنیلز ہوتے ہیں۔ وائرس کو کلاسیفیکیشن کے سسٹم میں شامل نہیں کیا جاتا کیونکہ ان میں زندگی کی تینوں ڈومین کی کوئی خصوصیت موجود نہیں۔
کورونا وائرس (Coronavirus): 2019 کے آخر میں ووہان میں دریافت ہوا۔ یہ سانس کی بیماری COVID-19 کا سبب بنا۔ حفاظتی تدابیر میں ماسک، ہاتھ دھونا اور ویکسین شامل ہیں۔
2.8 بائی نومیل نومن کلیچر BINOMIAL NOMENCLATURE
جاندار کا سائنسی نام دو حصوں پر مشتمل ہوتا ہے۔ پہلا حصہ جینس (genus) اور دوسرا حصہ سپی شیز (species) کا نام ہوتا ہے۔
| عام نام | سائنسی نام |
|---|---|
| پیاز (Onion) | Allium cepa |
| انسان (Human) | Homo sapiens |
| ٹائیگر (Tiger) | Panthera tigris |
مشق (Exercise)
A. درست جواب کا انتخاب کریں:
1. ٹیکسانومی کا سب سے بڑا درجہ کون سا ہے؟
الف) سپی شیز ب) جینس ج) کنگڈم د) ڈومین
B. مختصر جوابات:
1. بایو ڈائیورسٹی کی اہمیت بیان کریں؟
2. وائرس کو کلاسیفیکیشن سسٹم میں کیوں شامل نہیں کیا جاتا؟
Comments
Post a Comment