اردو- 11۱۴۱حصہ نظم سبق: ۲۲ ( غزل ) تدریسی مقاصد: طلبہ کو پروین شاکر کی شاعری میں پائے جانے والی شعری خوبیوں یعنی تشبیہات، استعارات اور زبان کی ندرت کی شناخت، ادبی جمالیات اور شعری حسن کو سمجھنے کی صلاحیت پیدا کرنا۔ طلبہ سے نسوانی اور تانیثی ادب کے بارے میں گفتگو کرنا۔ طلبہ کو پروین شاکر کی غزل کے مضامین اور موضوعات کے بارے میں بتانا۔ بادباں کھلنے سے پہلے کا اشارہ دیکھنا میں سمندر دیکھتی ہوں تم کنارہ دیکھنا یوں بچھڑنا بھی بہت آساں نہ تھا اُس سے مگر جاتے جاتے اُس کا وہ مُڑ کر دوبارہ دیکھنا کس شباہت کو لیے آیا ہے دروازے پہ چاند اے شبِ ہجراں! ذرا اپنا ستارہ دیکھنا کیا قیامت ہے کہ جن کے نام پر پلپا ہوئے اُن ہی لوگوں کو مقابل میں صف آرا دیکھنا جیتنے میں بھی جہاں جی کا زیاں پہلے سے ہے ایسی بازی ہارنے میں کیا خسارہ دیکھنا آئیے کی آنکھ ہی کچھ کم نہ تھی میرے لیے جانے اب کیا کیا دکھائے گا تمھارا دیکھنا ایک مُشتِ خاک اور وہ بھی ہوا کی زد میں ہے زندگی کی بے بسی کا استعارہ دیکھنا (ماہِ تمام) اضافی مطالعہ و ویڈیوز (EOLS) ویڈیو لیکچر غزل نمبر 5: بادباں کھلنے سے پہلے کا اشارہ دیکھنا | پروین شاکر ...
Explore the delightful Urdu poem 'Tot Batot Kay Murghay' by Sufi Ghulam Mustafa Tabassum for Class 5. This digital lesson includes learning objectives, teacher guides, and the full poem in a modern SNC textbook style.
Excellence Online Learning School (EOLS)
جماعت: پنجم | مضمون: اردو
حاصلاتِ تعلم
اس سبق کی تکمیل کے بعد آپ اس قابل ہو جائیں گے کہ:
- بے ربط اور مربوط گفتگو میں تمیز کر سکیں۔
- حافظے میں موجود نظم اور اشعار لے اور آہنگ سے سنا سکیں۔
- لطائف سے لطف اندوز ہوتے ہوئے ان میں پوشیدہ دانش سمجھ کر بتا سکیں۔
- کسی عنوان پر پندرہ جملوں پر مشتمل مضمون لکھ سکیں۔
- حروفِ ندا، استعجاب، افسوس کا استعمال کر سکیں۔
- حروفِ جار اور حروفِ عطف کا استعمال کر سکیں۔
- اپنے گھر، سکول، محلے وغیرہ میں پیش آنے والے ناپسندیدہ واقعہ، حرکت، اشارہ، ترغیب یا لالچ وغیرہ کے بارے میں والدین اور اساتذہ کو بلا جھجھک بتا سکیں۔
سوچیں اور بتائیں
آپ کے دوستوں میں جھگڑا ہو جائے تو آپ کیا کریں گے؟
A professional 3D digital illustration of two colorful anthropomorphic roosters, one wearing a traditional Pakistani turban (dastar) and the other wearing a stylish English cap and shorts. They are standing proudly in a vibrant village setting. High-quality children's textbook style.
کیا آپ جانتے ہیں؟
معروف شاعر صوفی غلام مصطفیٰ تبسم ایک استاد تھے۔ وہ اردو کے علاوہ فارسی اور پنجابی میں بھی بے ساختہ شعر کہتے تھے۔ اگرچہ ان کی شاعری کا زیادہ تر حصہ بڑوں کے لیے ہے لیکن بچوں کے لیے لکھی گئی نظموں کی وجہ سے ان کو زیادہ شہرت ملی۔
برائے اساتذہ: تدریسی عمل کو مؤثر بنانے کے لیے سبق کے ”حاصلاتِ تعلم“ دیے جا رہے ہیں، جو اساتذہ کرام کے لیے معاون ثابت ہوں گے۔ سبق کا متن پڑھانے سے قبل ”سوچیں اور بتائیں“ کے سوالات بچوں سے پوچھیں تا کہ وہ پڑھنے کے لیے ذہنی طور پر تیار ہو سکیں۔ ”ٹھہریں اور بتائیں“ کے سوالات متن پڑھانے کے دوران میں بچوں سے پوچھیں۔ ”کیا آپ جانتے ہیں؟“ میں دی ہوئی معلومات بھی بچوں کو موقع محل کے مطابق دی جائیں۔
تلفظ سیکھیں:ہشیاردستارسیخبگھیلاہنٹر
ٹوٹ بٹوٹ کے دو مرغے تھے، دونوں تھے ہشیار
اک مرغے کا نام تھا گیٹو، اک کا نام گٹار
اک مرغے کی دُم تھی کالی، اک مرغے کی لال
اک مرغے کی چونچ نرالی، اک مرغے کی چال
اک پہنے پتلون اور نیکر، اک پہنے شلوار
اک پہنے انگریزی ٹوپی، اک پہنے دستار
اک کھاتا تھا کیک اور بسکٹ، اک کھاتا تھا نان
ایک چباتا لونگ سپاری، ایک چباتا پان
دونوں اک دن شہر کو نکلے، لے کر آنے چار
پہلے سبزی منڈی پہنچے، پھر لنڈے بازار
A humorous educational illustration of two roosters in an Urdu-style market. One rooster is shouting while the other looks ready to fight. People in the background are watching with surprised expressions. Detailed digital art, bright and engaging for grade 5 students.
اک بولا، میں باز بہادر، تُو ہے نرا بٹیر
اک بولا، میں لگڑ بگھیلا، اک بولا میں شیر
دونوں میں پھر ہوئی لڑائی تھی تھی ٹھوں ٹھوں، ٹھاہ
دونوں نے کی ہاتھا پائی ہی ہی، ہوں ہوں، ہاہ
اک مرغے نے سیخ اٹھائی، اک مرغے نے ڈانگ
اک کے دونوں پنجے ٹوٹے، اک کی ٹوٹی ٹانگ
تھانے دار نے ہنٹر مارا، چینخے چوں چوں چوں
ٹوٹ بٹوٹ نے گلے لگایا، بولے لڑوں گوں
(صوفی غلام مصطفیٰ تبسم)
ٹھہریں اور بتائیں
لڑائی میں دونوں مرغوں کا کیا نقصان ہوا؟
ہم نے سیکھا
- لڑنا جھگڑنا بُری بات ہے۔
- اپنے دوستوں کا خیال رکھنا چاہیے۔
برائے اساتذہ: درست تلفظ، لہجے اور آہنگ کو مدنظر رکھتے ہوئے نظم کی خواندگی کرائیں۔ بچوں کو بتائیں کہ لڑنا جھگڑنا اچھی عادت نہیں۔ بچوں کو چند مثبت اور منفی عادات کے بارے میں بتائیں۔ بچوں کو ترغیب دیں کہ وہ اپنے ساتھ پیش آنے والے کسی بھی ناپسندیدہ واقعے کے بارے میں اپنے اساتذہ کرام / بڑوں کو فوری طور پر آگاہ کریں۔
Comments
Post a Comment