اردو- 11۱۴۱حصہ نظم سبق: ۲۲ ( غزل ) تدریسی مقاصد: طلبہ کو پروین شاکر کی شاعری میں پائے جانے والی شعری خوبیوں یعنی تشبیہات، استعارات اور زبان کی ندرت کی شناخت، ادبی جمالیات اور شعری حسن کو سمجھنے کی صلاحیت پیدا کرنا۔ طلبہ سے نسوانی اور تانیثی ادب کے بارے میں گفتگو کرنا۔ طلبہ کو پروین شاکر کی غزل کے مضامین اور موضوعات کے بارے میں بتانا۔ بادباں کھلنے سے پہلے کا اشارہ دیکھنا میں سمندر دیکھتی ہوں تم کنارہ دیکھنا یوں بچھڑنا بھی بہت آساں نہ تھا اُس سے مگر جاتے جاتے اُس کا وہ مُڑ کر دوبارہ دیکھنا کس شباہت کو لیے آیا ہے دروازے پہ چاند اے شبِ ہجراں! ذرا اپنا ستارہ دیکھنا کیا قیامت ہے کہ جن کے نام پر پلپا ہوئے اُن ہی لوگوں کو مقابل میں صف آرا دیکھنا جیتنے میں بھی جہاں جی کا زیاں پہلے سے ہے ایسی بازی ہارنے میں کیا خسارہ دیکھنا آئیے کی آنکھ ہی کچھ کم نہ تھی میرے لیے جانے اب کیا کیا دکھائے گا تمھارا دیکھنا ایک مُشتِ خاک اور وہ بھی ہوا کی زد میں ہے زندگی کی بے بسی کا استعارہ دیکھنا (ماہِ تمام) اضافی مطالعہ و ویڈیوز (EOLS) ویڈیو لیکچر غزل نمبر 5: بادباں کھلنے سے پہلے کا اشارہ دیکھنا | پروین شاکر ...
.png)
Explore Class 9 Urdu Lesson 1 "Hamd" by Muzaffar Warsi. Learn the definition of Hamd, Allah's attributes, and poetic differences with Excellence Online Learning School (EOLS).
جماعت: نہم
مضمون: اردو
صفحہ نمبر: ۱
سبق: ۱
حمد
مقاصدِ تدریس:
- طلبہ کو حمد کے معنی و مفہوم سے آگاہ کرنا۔
- طلبہ کو مظفر وارثی کی حمد گوئی کی خصوصیات کے بارے میں معلومات دینا۔
- طلبہ کی معلومات میں اللہ تعالیٰ کی ذات و صفات کے حوالے سے اضافہ کرنا۔
- اصنافِ نظم: حمد، مناجات، نعت اور منقبت شناخت کرنے کے حوالے سے طلبہ کی تربیت کرنا۔
- طلبہ کو کسی نظم کا مرکزی خیال لکھنا سکھانا۔
یہ زمیں، یہ فلک، ان سے آگے تلک
جتنی دنیا میں ہیں، سب میں تیری جھلک
سب سے لیکن جُدا، اے خُدا!، اے خُدا!
ہر سحر پھوٹتی ہے نئے رنگ سے
سبزہ و گل کی سینہ بہ سینہ مہک
گونجتا ہے جہاں تیرے ہی آہنگ سے
جس نے کی جستجو، مل گیا اس کو تُو
سب کا تو ہی نُما، اے خُدا!، اے خُدا!
ہر ستارے میں آباد ہے اک جہاں
چاند سورج تیری روشنی کے نشاں
پتھروں کو بھی تُو نے عطا کی زباں
جانور، آدمی کر رہے ہیں سبھی
تیری حمد و ثنا، اے خُدا!، اے خُدا!
سونپ کر منصبِ آدمیت مجھے
تُو نے بخشی ہے اپنی خلافت مجھے
شوقِ سجدہ بھی کر اب عنایت مجھے
خم رہے میرا سر، تیری دہلیز پر
ہے یہی التجا، اے خُدا!، اے خُدا!
(بابِ حرم)
کیا آپ جانتے ہیں؟
لفظ "حمد" عربی زبان کا لفظ ہے جس کے معنی "تعریف" کے ہیں۔ ایسی نظم جس میں اللہ تعالیٰ کی تعریف و توصیف بیان کی جائے، اسے "حمد" کہتے ہیں۔
مشکل الفاظ کے معنی (فرہنگ)
فلک:آسمان
آہنگ:آواز، ترنم
نُما:دکھانے والا، راہبر
جستجو:تلاش، کوشش
منصبِ آدمیت:انسانیت کا رتبہ
خلافت:نیابت، نمائندگی
اہم نکات (خلاصہ)
اس حمد میں شاعر مظفر وارثی اللہ تعالیٰ کی وحدانیت اور اس کی قدرتِ کاملہ کا ذکر کر رہے ہیں۔ وہ بتاتے ہیں کہ کائنات کی ہر شے، خواہ وہ زمین ہو یا آسمان، اللہ کی موجودگی کا پتا دیتی ہے۔ انسان کو اللہ نے اپنا خلیفہ بنا کر معزز کیا ہے، اس لیے ہمیں ہر حال میں اسی کی دہلیز پر سر بسجود رہنا چاہیے۔
Comments
Post a Comment