اردو- 11۱۴۱حصہ نظم سبق: ۲۲ ( غزل ) تدریسی مقاصد: طلبہ کو پروین شاکر کی شاعری میں پائے جانے والی شعری خوبیوں یعنی تشبیہات، استعارات اور زبان کی ندرت کی شناخت، ادبی جمالیات اور شعری حسن کو سمجھنے کی صلاحیت پیدا کرنا۔ طلبہ سے نسوانی اور تانیثی ادب کے بارے میں گفتگو کرنا۔ طلبہ کو پروین شاکر کی غزل کے مضامین اور موضوعات کے بارے میں بتانا۔ بادباں کھلنے سے پہلے کا اشارہ دیکھنا میں سمندر دیکھتی ہوں تم کنارہ دیکھنا یوں بچھڑنا بھی بہت آساں نہ تھا اُس سے مگر جاتے جاتے اُس کا وہ مُڑ کر دوبارہ دیکھنا کس شباہت کو لیے آیا ہے دروازے پہ چاند اے شبِ ہجراں! ذرا اپنا ستارہ دیکھنا کیا قیامت ہے کہ جن کے نام پر پلپا ہوئے اُن ہی لوگوں کو مقابل میں صف آرا دیکھنا جیتنے میں بھی جہاں جی کا زیاں پہلے سے ہے ایسی بازی ہارنے میں کیا خسارہ دیکھنا آئیے کی آنکھ ہی کچھ کم نہ تھی میرے لیے جانے اب کیا کیا دکھائے گا تمھارا دیکھنا ایک مُشتِ خاک اور وہ بھی ہوا کی زد میں ہے زندگی کی بے بسی کا استعارہ دیکھنا (ماہِ تمام) اضافی مطالعہ و ویڈیوز (EOLS) ویڈیو لیکچر غزل نمبر 5: بادباں کھلنے سے پہلے کا اشارہ دیکھنا | پروین شاکر ...
.png)
Explore Class 5 Urdu Lesson "Naik Bano, Naiki Phailao" by Excellence Online Learning School (EOLS). A moral poem by Altaf Hussain Hali focusing on truth, cleanliness, and hard work with complete grammar exercises.
Excellence Online Learning School (EOLS)
نیک بنو، نیکی پھیلاؤ
نظم
حاصلاتِ تعلم
اس سبق کی تکمیل کے بعد آپ اس قابل ہو جائیں گے کہ :
- سنی ہوئی چیزوں کی تفہیم کر کے بتا سکیں۔
- عبارت (نظم) پڑھ کر اس میں موجود معلومات اور تصورات اخذ کر سکیں۔
- متن (نظم) پڑھ کر سوالات کے جوابات تحریر کر سکیں۔
- نظم کو نثر میں تبدیل کر سکیں۔
- جملوں کو زمانہ ماضی، حال اور مستقبل کے لحاظ سے تبدیل کر سکیں۔
- اسم صفت کی پہچان کر سکیں اور استعمال کر سکیں۔
- علامتِ فاعل ”نے“ اور علامتِ مفعول ”کو“ کا صحیح استعمال کر سکیں۔
- داخلہ فارم پُر کر سکیں۔
- ماحول اور معاشرے سے متعلق مسائل کے بارے میں اپنا نقطہ نظر پیش کر سکیں۔
سوچیں اور بتائیں
- اچھی عادات کون سی ہوتی ہیں؟ اچھی عادات اپنانے سے کیا فائدہ ہوتا ہے؟
- تن درست اور چاق چوبند رہنے کے لیے کن باتوں پر عمل کرنا چاہیے؟
A professional digital textbook illustration of Pakistani school children helping an elderly man cross the road and a group of children planting trees in a school garden, bright colors, clean lines, high resolution.
کیا آپ جانتے ہیں؟
پڑھائی اور کھیل دونوں متوازن زندگی گزارنے کے لیے ضروری ہیں۔ کھیل کے وقت کھیلنا اور پڑھائی کے وقت پڑھنا چاہیے۔
تعلیم ہمیں عقل، شعور اور تمیز سکھاتی ہے۔ جب کہ کھیل ہمیں چست، ہوشیار اور نظم وضبط کا پابند بناتے ہیں۔
نیک بنو، نیکی پھیلاؤ
تلفظ سیکھیں: ریس ، ستھرائی ، رغبت ، اپاہج
سچ بولو، سچے کہلاؤ
سچ کی سب کو ریس دلاؤ
جب اوروں کو راہ بتاؤ
خود رستے پر تم آ جاؤ
قوم کو اچھے کام دکھاؤ
نیک بنو، نیکی پھیلاؤ
ہو گی تم میں گر ستھرائی
سب سیکھیں گے تم سے صفائی
ہمسائے کی دیکھ بھلائی
چھوڑیں ہمسائے کی بُرائی
قوم کو اچھے کام دکھاؤ
نیک بنو، نیکی پھیلاؤ
A detailed digital illustration for a children's textbook showing a clean Pakistani neighborhood, children picking up litter, and a student studying hard at a desk with a lamp, showing both hygiene and diligence.
جو پڑھنے میں کرتے ہیں محنت
سیکھتی ہے شوق ان سے جماعت
ہوتی ہے جن کو کھیل کی عادت
دیتے ہیں سب کو کھیل کی رغبت
قوم کو اچھے کام دکھاؤ
نیک بنو، نیکی پھیلاؤ
محنت کر کے جو ہیں کماتے
سب کو محنت وہ ہیں سکھاتے
جو نہیں ہاتھ اور پاؤں ہلاتے
سب کو اپاہج وہ ہیں بناتے
قوم کو اچھے کام دکھاؤ
نیک بنو، نیکی پھیلاؤ
(خواجہ الطاف حسین حالی)
ٹھہریں اور بتائیں
- جو سچ نہیں بولتا، اس کی عزت کیوں نہیں کی جاتی؟
- دوسروں کو اچھی باتوں پر عمل کرنے کی نصیحت کرنے سے پہلے ہمیں خود کیا کرنا چاہیے؟
برائے اساتذہ کرام: تدریسی عمل کو مؤثر بنانے کے لیے سبق کے ”حاصلاتِ تعلم“ دیے جا رہے ہیں، جو اساتذہ کرام کے لیے معاون ثابت ہوں گے۔ سبق کا متن پڑھانے سے قبل ”سوچیں اور بتائیں“ کے سوالات بچوں سے پوچھیں تاکہ وہ پڑھنے کے لیے ذہنی طور پر تیار ہو سکیں۔ ”ٹھہریں اور بتائیں“ کے سوالات متن پڑھانے کے دوران میں بچوں سے پوچھیں۔ ”کیا آپ جانتے ہیں؟“ میں دی ہوئی معلومات بھی بچوں کو موقع محل کے مطابق دی جائیں۔ نظم کو درست تلفظ، لے اور آہنگ سے پڑھوائیں۔ اشعار کا مفہوم بتائیں۔ اچھی عادات اپنانے کی ترغیب دیں۔
Comments
Post a Comment