اردو- 11۱۴۱حصہ نظم سبق: ۲۲ ( غزل ) تدریسی مقاصد: طلبہ کو پروین شاکر کی شاعری میں پائے جانے والی شعری خوبیوں یعنی تشبیہات، استعارات اور زبان کی ندرت کی شناخت، ادبی جمالیات اور شعری حسن کو سمجھنے کی صلاحیت پیدا کرنا۔ طلبہ سے نسوانی اور تانیثی ادب کے بارے میں گفتگو کرنا۔ طلبہ کو پروین شاکر کی غزل کے مضامین اور موضوعات کے بارے میں بتانا۔ بادباں کھلنے سے پہلے کا اشارہ دیکھنا میں سمندر دیکھتی ہوں تم کنارہ دیکھنا یوں بچھڑنا بھی بہت آساں نہ تھا اُس سے مگر جاتے جاتے اُس کا وہ مُڑ کر دوبارہ دیکھنا کس شباہت کو لیے آیا ہے دروازے پہ چاند اے شبِ ہجراں! ذرا اپنا ستارہ دیکھنا کیا قیامت ہے کہ جن کے نام پر پلپا ہوئے اُن ہی لوگوں کو مقابل میں صف آرا دیکھنا جیتنے میں بھی جہاں جی کا زیاں پہلے سے ہے ایسی بازی ہارنے میں کیا خسارہ دیکھنا آئیے کی آنکھ ہی کچھ کم نہ تھی میرے لیے جانے اب کیا کیا دکھائے گا تمھارا دیکھنا ایک مُشتِ خاک اور وہ بھی ہوا کی زد میں ہے زندگی کی بے بسی کا استعارہ دیکھنا (ماہِ تمام) اضافی مطالعہ و ویڈیوز (EOLS) ویڈیو لیکچر غزل نمبر 5: بادباں کھلنے سے پہلے کا اشارہ دیکھنا | پروین شاکر ...
Class 5 Urdu Lesson 1 - Hamd | Digital Textbook Design SNC Lesson No: سبق نمبر 1 | Class: 5 | Subject: اردو | Type: ڈیجیٹل بک ڈیزائن
.png)
A professionally designed digital version of Class 5 Urdu Lesson 1 'Hamd' following the Single National Curriculum (SNC) of Pakistan. Includes learning objectives, poem with rhythmic layout, interesting facts, and teacher notes.
اردو | جماعت پنجم
سبق۱
حمد
حاصلاتِ تعلم
اس سبق کی تکمیل کے بعد آپ اس قابل ہو جائیں گے کہ:
- سنی ہوئی چیزوں کی تفہیم کر کے بتا سکیں۔
- حافظے میں موجود نظم اور اشعار لے اور آہنگ سے سنا سکیں۔
- عبارت (نظم) پڑھ کر اس میں موجود معلومات اور تصورات کو اخذ کر کے بیان کر سکیں۔
- شعر پڑھ کر اس کا مفہوم لکھ سکیں۔
- رموزِ اوقاف (ختمہ، سکتہ) کا استعمال کر سکیں۔
- نظموں میں دیے ہوئے فطری مناظر پر اپنے جذبات اور احساسات کا اظہار کر سکیں۔
سوچیں اور بتائیں
- اللہ تعالیٰ نے یہ حسین دنیا کس کی خاطر تخلیق کی؟
- کن کن چیزوں کی وجہ سے دنیا خوب صورت نظر آتی ہے؟
کیا آپ جانتے ہیں؟
دنیا کا سب سے بڑا صحرا ”صحارا“ ہے، جو شمالی افریقہ میں واقع ہے۔ یہ براعظم امریکہ کے کل رقبے کے برابر ہے۔
دنیا کی بلند ترین آبشار ”اینجل آبشار“ ہے جو کہ وینزویلا میں واقع ہے۔
برائے اساتذہ کرام:
تدریسی عمل کو مؤثر بنانے کے لیے سبق کے ”حاصلاتِ تعلم“ دیے جا رہے ہیں، جو اساتذہ کرام کے لیے معاون ثابت ہوں گے۔ سبق کا متن پڑھانے سے قبل ”سوچیں اور بتائیں“ کے سوالات بچوں سے پوچھیں تاکہ وہ پڑھنے کے لیے ذہنی طور پر تیار ہو سکیں۔ ”ٹھہریں اور بتائیں“ کے سوالات متن پڑھانے کے دوران میں بچوں سے پوچھیں۔ ”کیا آپ جانتے ہیں؟“ میں دی ہوئی معلومات بھی بچوں کو موقع محل کے مطابق دی جائیں۔
تلفظ سیکھیں
خُدا سب کا خالق ہے کون و مکاں میں
یہ گل کاریاں جس قدر ہیں جہاں میں
یہ گل کاریاں جس قدر ہیں جہاں میں
فلک، چاند، سُورج، یہ روشن ستارے
پہاڑ اور دریا، یہ دل کش نظارے
پہاڑوں سے گرتے ہیں پانی کے دھارے
کہ شبنم نے پھولوں کے چہرے نکھارے
خُدا سب کا خالق ہے کون و مکاں میں
یہ گل کاریاں جس قدر ہیں جہاں میں
یہ گل کاریاں جس قدر ہیں جہاں میں
خُدا کی ہر اک سَمت جلوہ گری ہے
کہ نُوری فضاؤں سے دنیا بھری ہے
ہر اک دشت شاداب، کھیتی ہری ہے
یہ سب میرے مالک کی کاری گری ہے
ٹھہریں اور بتائیں
- اللہ تعالیٰ کی قدرت کی چند نشانیاں بتائیں۔
- زمین کا ہر اک ذرہ کس وجہ سے چمک رہا ہے؟
خُدا سب کا خالق ہے کون و مکاں میں
یہ گل کاریاں جس قدر ہیں جہاں میں
یہ گل کاریاں جس قدر ہیں جہاں میں
زمیں کا ہر اک ذرہ چمکا ہوا ہے
وہ دیکھو کہ سُورج بھی نکلا ہوا ہے
جدھر دیکھیے نُور پھیلا ہوا ہے
خُدا ساری دنیا پہ چھایا ہوا ہے
خُدا سب کا خالق ہے کون و مکاں میں
یہ گل کاریاں جس قدر ہیں جہاں میں
یہ گل کاریاں جس قدر ہیں جہاں میں
ہم نے سیکھا
- اللہ تعالیٰ نے اس کائنات کو انتہائی خوب صورت بنایا۔
- دنیا کی ہر شے سے اللہ تعالیٰ کی قدرت جھلکتی ہے۔
Comments
Post a Comment