Class 4 Urdu: Exploring the World of Modern Computers (Lesson 10)

 

 نیا کمپیوٹر

📘 سبق نمبر 10 | چوتھی جماعت | اردو زبان و ادب

✨ حاصلاتِ تعلم

• گفت گو یا بیان سن کر جملوں میں بے ربطی اور عدم تسلسل کا ادراک کر سکیں۔
• کسی بھی موضوع پر اپنے ساتھیوں کے ساتھ اردو مباحثے میں حصہ لے سکیں۔
• اپنے مشاہدات اور خیالات کو مربوط، رواں اور موزوں انداز میں لکھ سکیں۔
• حروفِ عطف کا استعمال کر سکیں۔
• سکول سے متعلقہ امور کے بارے میں درخواست لکھ سکیں۔
• جدید ٹیکنالوجی، ذرائع ابلاغ (موبائل فون وغیرہ) میں اُردو کا درست استعمال کر سکیں۔

🤔 سوچیں اور بتائیں

🔹 کمپیوٹر کیا ہوتا ہے؟

🔹 کیا آپ کمپیوٹر چلانا جانتے ہیں؟

📖 کیا آپ جانتے ہیں؟

💡 کمپیوٹر لاطینی زبان کا لفظ ہے جس کے معنی ہیں حساب کتاب کرنے والا۔

📦 صندوقچہ🧠 دماغ🗣️ زبانت🏢 شعبہ🌐 انٹرنیٹ

📖 راوی: ایک دن انعام صاحب ایک نیا کمپیوٹر خرید لائے۔ نیا کمپیوٹر دیکھ کر علی اور جویریہ دونوں بہت خوش تھے۔ انعام صاحب نے کمپیوٹر بچوں کے کمرے میں میز پر رکھ دیا۔ دونوں بچے پاس آکر بیٹھ گئے۔ وہ کمپیوٹر چلانے کے لیے بے تاب تھے۔

👨🏻‍🏫 انعام صاحب: "بچو! یہ کمپیوٹر میں آپ کے لیے لایا ہوں لیکن پہلے میں کمپیوٹر کے بارے میں آپ کی معلومات جاننا چاہتا ہوں۔ آپ مجھے اس کے مختلف حصوں کے نام اور کام بتائیں۔"

👧 جویریہ: "ابا جان! یہ میز کے اوپر ٹیلی ویژن کی طرح نظر آنے والی چیز مانیٹر (Monitor) کہلاتی ہے۔ کمپیوٹر پر جو بھی کام کیا جائے، اسے مانیٹر کی سکرین پر دیکھا جا سکتا ہے۔"

👨🏻‍🏫 انعام صاحب: "بہت اچھے، علی! اب آپ بتائیں دوسرا بڑا حصہ کون سا ہے؟"

👦 علی: "ابا جان! یہ جو ڈبہ ساتھ پڑا ہے سی۔ پی۔ یو (CPU) کہلاتا ہے، ہمیں مس نے بتایا تھا کہ یہ کمپیوٹر کا دماغ ہوتا ہے۔"

👨🏻‍🏫 انعام صاحب: "بیٹا! بالکل درست بات ہے۔"

👧 جویریہ: "ابا جان! یہ بورڈ جس پر بٹن لگے ہوئے ہیں، کی بورڈ (Keyboard) کہلاتا ہے۔ اس کے بٹن دبا کر ہم کمپیوٹر کو ہدایات دیتے ہیں۔"

👦 علی: "ابا جان! کمپیوٹر کو بعض ہدایات ماؤس کی مدد سے بھی دی جا سکتی ہیں۔"

👨🏻‍🏫 انعام صاحب: "بیٹا! بالکل، ماؤس کے ذریعے سے بھی ہدایات دی جاسکتی ہیں لیکن اس کو ماؤس (Mouse) کیوں کہتے ہیں؟"

👧 جویریہ: "انگریزی میں چوہے کو ماؤس کہا جاتا ہے۔ اس کی شکل بھی بالکل ایک چھوٹے چوہے کی طرح ہے اس لیے اس کو بھی ماؤس کہتے ہیں۔"

👨🏻‍🏫 انعام صاحب: "بچو! مجھے بہت خوشی ہوئی کہ آپ لوگ کمپیوٹر کے بارے میں درست معلومات رکھتے ہیں۔"

👦 علی: "ابا جان! گھر میں بیٹھے بیٹھے ہم اکتا گئے ہیں۔ اب ہم اس پر مزے مزے کے کھیل کھیلیں گے۔"

👨🏻‍🏫 انعام صاحب: "آپ شوق سے کھیلیں لیکن یہ بات یاد رکھیں کہ کھیل کے لیے وقت مختص ہونا چاہیے۔ ہر وقت کھیلتے رہنا ٹھیک بات نہیں۔ دوسری بات یہ کہ آپ کمپیوٹر پر اور بھی اچھے اچھے کام کر سکتے ہیں۔"

👧 جویریہ: "ابا جان! کمپیوٹر نے تو کام بہت آسان کر دیا ہے۔ ہم کمپیوٹر پر انٹرنیٹ کی مدد سے ہر مضمون کی تیاری کر سکتے ہیں۔ ریاضی کے مشکل سوالات حل کر سکتے ہیں۔ سائنس کے اسباق پر بنی ویڈیوز دیکھ سکتے ہیں۔ اس کی مدد سے اردو اور انگریزی املا کی مشق کر سکتے ہیں اور مضمون بھی لکھ سکتے ہیں۔ تصویریں بنا کر ان میں خوب صورت رنگ بھر سکتے ہیں اور کھانا پکانے کے طریقے بھی سیکھ سکتے ہیں۔"

👦 علی: "ابا جان! اس کا مطلب یہ ہے کہ کمپیوٹر سے بہت سے مفید کام لیے جاسکتے ہیں۔"

👨🏻‍🏫 انعام صاحب: "اب تو کمپیوٹر ہر فرد کی ضرورت بن گیا ہے۔ اس کی مدد سے پوری دنیا کی خبریں چند منٹوں میں حاصل کی جاسکتی ہیں۔ آپ اس پر دنیا بھر کے اخبارات و رسائل کا مطالعہ کر سکتے ہیں۔ آپ اس پر کتابیں پڑھ سکتے ہیں۔ کمپیوٹر کی مدد سے دنیا کے کسی بھی حصے میں پیغام پہنچایا جا سکتا ہے۔ آج کمپیوٹر زندگی کے تقریباً ہر شعبے میں استعمال ہو رہا ہے۔ یہ ہسپتالوں کے لیے بھی اہم ضرورت بن چکا ہے۔"

👦 علی: "ابا جان! کمپیوٹر کس نے ایجاد کیا تھا؟"

👨🏻‍🏫 انعام صاحب: "چارلس ببیج (Charles Babbage) نے ڈیجیٹل کمپیوٹر کا تصور پیش کیا۔ اگرچہ وہ مکمل کمپیوٹر نہ بنا سکے تاہم انھی کے نامکمل ڈیزائن پر کام کر کے جدید کمپیوٹر کی بنیاد رکھی گئی۔ اس لیے ان کو کمپیوٹر کا بانی (Father of the Computer) بھی کہا جاتا ہے۔"

👧 جویریہ: "ابا جان! ہمیں مس نے بتایا تھا کہ پہلے کمپیوٹر بہت بڑا ہوتا تھا۔"

👨🏻‍🏫 انعام صاحب: "شروع میں واقعی کمپیوٹر بہت بڑا تھا۔ اتنا بڑا کہ مشکل سے ایک کمرے میں سماتا تھا۔ جدید کمپیوٹر تو بہت چھوٹے ہیں۔ لیپ ٹاپ تو ایک چھوٹے سے بریف کیس جتنا ہوتا ہے۔ اب تو آپ کمپیوٹر کو جیب میں بھی رکھ سکتے ہیں۔"

👦 علی (چونک کر): "جیب میں کیسے؟"

👨🏻‍🏫 انعام صاحب (مسکرا کر): (اپنی جیب سے موبائل فون نکالتے ہوئے) "یہ ہے وہ کمپیوٹر! اس سے آپ تقریباً وہ تمام کام لے سکتے ہیں جو عام آدمی کمپیوٹر سے لیتا ہے۔ پیارے بچو! امید ہے کہ آپ کمپیوٹر کا مفید استعمال کریں گے اور اس کی حفاظت بھی کریں گے۔"

💬 ٹھہریں اور بتائیں:

🔍 کمپیوٹر کے ذریعے سے آپ کون کون سے کام کر سکتے ہیں؟

📘 ہم نے سیکھا

• 🖥️ کمپیوٹر کے چار اہم حصے ہوتے ہیں: مانیٹر، سی پی یو، کی بورڈ اور ماؤس۔
• ⚙️ جدید کمپیوٹر کی بنیاد چارلس ببیج کے تصور پر رکھی گئی اس لیے اسے کمپیوٹر کا بانی کہا جاتا ہے۔
• 📚 کمپیوٹر کو لکھنے پڑھنے اور دیگر کئی مفید کاموں کے لیے استعمال کیا جاسکتا ہے۔

🌟 پیارے بچو اور اساتذہ کرام! 🌟

کیا آپ جانتے ہیں کہ کمپیوٹر آج کے دور کی سب سے اہم ضرورت کیوں ہے؟

ایکسلینس آن لائن لرننگ سکول (EOLS) آپ کے لیے لایا ہے چوتھی جماعت کی اردو کا سبق نمبر 10، جس کا عنوان ہے "نیا کمپیوٹر"۔ اس دلچسپ سبق میں ہم علی اور جویریہ کے ساتھ مل کر کمپیوٹر کی دنیا کی سیر کریں گے۔ اس تحریر کا مقصد بچوں کو ٹیکنالوجی کے درست اور مفید استعمال سے آگاہ کرنا ہے۔

📌 سبق کے اہم نکات

• 🖥️ کمپیوٹر کے بنیادی حصے: مانیٹر، سی پی یو (جو کمپیوٹر کا دماغ کہلاتا ہے)، کی بورڈ اور ماؤس کے کام اور پہچان۔
• 🌐 کمپیوٹر کے حیرت انگیز فوائد: انٹرنیٹ کے ذریعے مشکل سوالات کا حل، سائنس کے اسباق کی ویڈیوز، اردو اور انگریزی املا کی مشق، اور تخلیقی کام جیسے کہ ڈرائنگ کرنا۔
• 📜 تاریخی پس منظر: کمپیوٹر کس نے ایجاد کیا؟ ہم جانیں گے کہ چارلس ببیج کو "کمپیوٹر کا بانی" کیوں کہا جاتا ہے اور پہلے کمپیوٹر سائز میں کتنے بڑے ہوتے تھے۔
• 📱 جدید ٹیکنالوجی: لیپ ٹاپ سے لے کر آپ کی جیب میں موجود موبائل فون تک، یہ سب کمپیوٹر کی ہی جدید شکلیں ہیں۔
• ⏳ اخلاقی پہلو: کھیل کود کے لیے وقت کی پابندی اور کمپیوٹر کا تعلیمی و مثبت استعمال۔

---

ایکسلینس آن لائن لرننگ سکول (EOLS) کا مقصد طلبہ میں مشاہدات اور خیالات کو مربوط انداز میں لکھنے کی صلاحیت پیدا کرنا اور انہیں جدید ذرائع ابلاغ کے درست استعمال کے قابل بنانا ہے۔

✨ آئیے! ٹیکنالوجی کو اپنائیں اور اپنے مستقبل کو روشن بنائیں۔ ✨

📖 اردو زبان و آگہی | استاد محترم کی رہنمائی میں کمپیوٹر کا تعلیمی سفر 🌱